La Hora Prestosa (¡prestosa!) >>

SuperValle, el superconseyeru más blandu que'l cuchu de pita!

2006-05-17T08:10:00.000-07:00

- SuperValle ¡rápido! ¿¿¿nun se decata de que tan matando la nuesa llingua??? ¡¡Faiga daqué!!
- S.V.: Ai madre mía, ho, nun m'espiertes...colo agustín y calentín que toi equí na mio camina...
- Cómo qu'agustín!! Ye usté un freakerrr y un incosciente! Pero bono, ¿¿nun entiende usté de que ye un superhéroe-conseyeru y de que tien que velar pola xusticia a lo llargo'l mundu?? ¿Cuála foi la cabera vegada que fizo dalgo bono pol planeta?
- S.V.: Home, ¡cómo te pases! Ayeri mesmo mandé al mio collaciu de cruzáes escontra'l mal (SuperRafa) a llevar perres y sofitu al Caribe (porque les perres puen mandase per corréu...pero'l sofitu moral...ye mester tar ellí 2 selmanes a base de mojitos pa que-yos llegue bien, y a mí dábame galbana...)
- Bono, SuperValle, entós...¿cómo pasa les hores muertes?¿qué-y presta facer a usté?
- S.V.: Pues a mí lo que ye tar equí tranquilu tapadín, nun tener enxamás la Cama-feita, nun garrar el teléfonu si ye Cheni, tar hasta les 3 de la mañana discutiendo con Noemí pol messenger, lleer los vienres el selmanariu independiente d'información, xugar a peiname la barbona pa estribor y pa babor, mandái anónimos a Paco d'Asís pol internés, poner una montera picona col pixama, dir nel baberu de les manis del CAO...
- Dende lluéu, SuperValle, ye usté lo que se pue llamar "un cabronazou", eh??

Dr. Alce en "El Comentariu"

2006-03-20T03:01:00.000-08:00

- Dr. Alce: Hola, yá toi equí; cómo ta Sr. Cabeza, qué tal pel cuencu??
- Sr. Cabeza: Mmmm ¡enformaperdafechamentebien! Dr. Alce!!
- A: Sr. Cabeza, hai una cadena de televisión local asturiana onde tolos díes, dempués de cenar, entama un programa cenciellamente XENIAL. Sabe usté a quién pertenecen les sigles "J. V." ?
- C: Non, Dr. Alce, a quién correspuenden??
- A: Mialma, Sr. Cabeza!! Correspuenden a JUAN VEGA!!! Nun se decata vusté d'esi home fuerte, grande, que mira a la cámara enrevesáu, que despotrica escontra tola clase política dominante! ye un fenómenu MEDIÁTICU!
- C: Non, non, pues nun lu conocía...la verdá ye que non
- A: Sr. Cabeza, nun sabe lo que se ta perdiendo...dase cuenta de la bayura de xente que pasa a lo llargo l'añu pela so mesa de tertulies?? Movimientos vecinales, escontra la incineración, escontra la urbanización costera, afeutaos poles llinies d'alta tensión...ensin contar esa gran páxina "www.elcomentario.tv" onde apaecen grandes pensadores de la nuesa era. Pero claro, como usté namás conoz esi cuencu y enxamás salió de la cabaña...¡ta perdiéndose un mundu!
- C: Claro, claro, porque soi un postre, siempre col mesmu cachu de xelatina, vivo nel cuencu de siempres, teo un cucuruchu de fiesta na tiesta...Por cierto, Dr. Alce, por qué s'empeñen los de TeleAsturies (la emisora local) en llamala "l'autonómica"?
- A: Eso son pallabres mayores, Sr. Cabeza...Entrúgue-y a Juan Vega, que ye ún de los mios ídolos televisivos (ensin contar al de la "Ventanina picuda" de TeleAvilés o a Pajarón de "Rollito de Verano") y qu'amás ye perllistu....
- C: ¡¡Y mui guapu, Dr. Alce, y mui guapu!!

http://youtube.com/watch?v=ytiVos02STI

Testimonios: Güei....Tiniii Areeeces

2006-03-14T09:44:00.000-08:00

Teeestimooonios: Güei Tiinii Aréeces!

Hola, soi: TINI ARECES (areces!)

Políticu, Presidente y Alcalde, bono, non, Fartón, bono, non Polifacéticu.

Yo ye que llevo dende bien neñu sintiendo falar de política en casa. Yo tengo una educación mui ríxida, mio pa yera de la benemérita, y conformé una personalidá distinta (qu'aquello nun yera vida nin nada, yera tol dia firme per casa) y entos tarifamos...yo soi mui cabezón, que paso por una paré...Él yera muncho de andar rectu pola vida y yo yera más tunante de salir y dir colos colegas a fumanos unos porros y tal....y metime nel PCA, entos, que d'aquella yeren los más gambiteros.

Total, que pasaron así los años...nun estudiaba un cagáu (porque yo tengo carrera de ciencies, pero na, fueron unos años que se me pasen toos aturullaos, porque yo taba lliberáu pol partíu y yera una fiesta continua: que si petas, que si anfetes...aquello yera de too menos transición) y yo decía "¡madre mía...!d'onde sacaríen a esti zoquete de turnu?" y caro, salíen del partíu...porque los del PCA son mui de tenenos a toos fichaos y tar tol día ahi escontra'l capitalismu y too y na, en fin...

Total, que yo vi que yera too una banda de viejunos barbudos qu'asina nun díbemos a nenguna parte...y metí-yosla doblá!total que pireme pal PSOE, porque yo veía qu'ellí yeren tunantes pero atención, tunantes con clase y con pasta! non como los gatunos del PC que teníen too aquello goliendo a chotuno, más gocho siempre...que golía a cuco! toles puertes puerquísimes, que yo poníame a entrar nel ascensor y taba too ehí asobinao y grasiento...mui mal mui mal.los del PCA unos guarros que golíen a culo.(como agora)

Total que na, que me metí nel PSOE y d'ehí a alcalde, que ye un nun parar, tol día comiendo fuera...y eso pa engordar ye malísimo (porque neses inauguraciones ye too grasa, too rebozao y la tortiella con 10güevos que ye too colesterol y na mui mal). El casu ye que llega'l día y llevántome diciendo ¡coño, por qué nun me presento a presidente d'Asturies!(hai xente que diz que la mio gordura ye como una pipa de sidra...¡yo qué sé, la xente diz cada pijada...! que me quies cuntar que soi como una barrica de sidra? pues tú mesmu!)

Bono, y por dir terminando...quiero dicivos una cosa a los FANS de "La Hora Prestosa":

Nun quedéis colos colegas pa dir a les inauguraciones míes col disfraz esi de Dj Pollo o lo que seya, porque solís decir: "vamos cola pita a toca-y los coyones a tini y nos partimos el ojete" ¡MAL! ¡MAL!¡MAL! ¡MAAAAAAL! El trucu ta en dir pero ensin reventame los actos, que sois unos FIOSSSS DE PUTA!

Pela mio parte más nada, que vos dean muncho pol ojal y que veais muncho Teletini o canal 6.

Dízvoslo el vuesu collaciu...Tini Areces

http://youtube.com/watch?v=GIcH2ElT7nQ

Casu verídicu

2006-01-14T12:36:00.000-08:00

[aidasomiedo@hotmail.com ta acabante d'axuntalu como contautu. quier vusté aceutar la direición aidasomiedo@hotmail.com como contautu:
-sí, y permití-y charrar conmigo
-non, nun quiero axuntala]
->SÍ

(esi mesmu día pela nueche...)

- hola? quién yes?
-aidasomiedo: holaaa!
-aidasomiedo: soy una amiga de maría y me dijo que tenías familia en somiedo y en gijón también
- ahhh, pues nun me dixera maría nada. en fin, de qué pueblu de somiedu yes?
-aidasomiedo: de la riera, un pueblo pequeñito...lo conoces?
- caro, ho, toi fartucu de dir perende...mio güelu ye del val.le.
-aidasomiedo: perdona, de donde?
- del val.le., yá sabes, santuchanu, pigüeces, rubléu, la rebol.lada...asina hasta vil.lar.
-aidasomiedo: ahh, es que yo no hablo bable.
- ¬¬....
-aidasomiedo: bueno, y qué te cuentas, que estás estudiando o trabajando?
- faigo xeoloxía
-aidasomiedo: qué es eso??
- ... (nun contesto)
- ...
-aidasomiedo: te has ido?

[esborriar a esta persona implica quitalu d'esta llista. si nun lu/la bloquea el contautu podrá siguir viendo'l so estáu de messenger y unviándo-y mensaxes:
Desea vusté bloquear tamién al contautu y esborrialu?]

">>"

finó.

pd: los nomes y direiciones son inventaos, los fechos...

Preséntome

2006-01-12T02:05:00.000-08:00

asturianu, estudiante y militante (o más bien asturianu,militante y estudiante??)
que tiemblen bush, "condoleeza", vitor manuel, melendi, areces, jiménez losantos, la santina, ratzinger-z, la pepa y la tía nemesia...agora soi yo'l que teo blog y una antoxana dende la que despeyeyar a tou dios.