SuperValle, el superconseyeru más blandu que'l cuchu de pita!
- SuperValle ¡rápido! ¿¿¿nun se decata de que tan matando la nuesa llingua??? ¡¡Faiga daqué!!- S.V.: Ai madre mía, ho, nun m'espiertes...colo agustín y calentín que toi equí na mio camina...
- Cómo qu'agustín!! Ye usté un freakerrr y un incosciente! Pero bono, ¿¿nun entiende usté de que ye un superhéroe-conseyeru y de que tien que velar pola xusticia a lo llargo'l mundu?? ¿Cuála foi la cabera vegada que fizo dalgo bono pol planeta?
- S.V.: Home, ¡cómo te pases! Ayeri mesmo mandé al mio collaciu de cruzáes escontra'l mal (SuperRafa) a llevar perres y sofitu al Caribe (porque les perres puen mandase per corréu...pero'l sofitu moral...ye mester tar ellí 2 selmanes a base de mojitos pa que-yos llegue bien, y a mí dábame galbana...)
- Bono, SuperValle, entós...¿cómo pasa les hores muertes?¿qué-y presta facer a usté?
- S.V.: Pues a mí lo que ye tar equí tranquilu tapadín, nun tener enxamás la Cama-feita, nun garrar el teléfonu si ye Cheni, tar hasta les 3 de la mañana discutiendo con Noemí pol messenger, lleer los vienres el selmanariu independiente d'información, xugar a peiname la barbona pa estribor y pa babor, mandái anónimos a Paco d'Asís pol internés, poner una montera picona col pixama, dir nel baberu de les manis del CAO...
- Dende lluéu, SuperValle, ye usté lo que se pue llamar "un cabronazou", eh??
posted by Asturianos contra Areces at 8:10 AM
4 Comments:
que bonu yes!!
Nun pensasti garrar un flashplayer y facer tu la to propia "hora chanante" o programa d'humor???
Dempués súbese a la rede, vía asturies.com o youtube y...
Bono ye que sedría la caña.
(Y yá si lu pases al castellán, igual te lu garren na RTPA) XD
Ta mui guapu esti blog. Mui bien pensada la idega, numái que pisarontela los de la "Hora Chanante".
Col miou blog pasoume lo miesmu:
munduxaime.blogspot.com
Dende’l Conseyu de la Mocedá va a facese, enmarcáu na Escuela de Seronda, un Foru dedicáu exclusivamente a la Blogosfera Asturiana.
L’oxetivu ye crear un espaciu de debate d’esti soporte mediáticu onde poder analizar la importancia del blog como ferramienta de comunicación n’Asturies y un llugar pal xorrecimientu de la llingua asturiana, el so presente y futuru na rede. El foru vendrá complementáu con unes xornaes de formación nes nueves tendencies y téuniques nos blogs.
Otru foru d’interés que se va facer na escuela ye de Comunidaes Virtuales. Alministración, xestión y usu d’elles n’Asturies.
Dende’l Conseyu de la Mocedá invitásevos a que vengáis a Xixón los díes 28,29 y 30 d’Abril a estes xornaes.
Tenéis tola información na páxina de Conseyu www.cmpa.es .
O podéis escribime pa cualesquier consulta a emigracion@cmpa.es
Espero vevos.
Un saludu.
Post a Comment
<< Home